شاہد جان
پشاور: پشاور رنگ روڈ کے علاقے گڑھی قمردین پل کے قریب دو گاڑیوں کے درمیان تصادم کے بعد آگ بھڑک اٹھی، جس سے علاقے میں خوف و ہراس پھیل گیا۔
ریسکیو 1122 کے مطابق ایک چھوٹی موٹر کار اور پٹرول سپلائی کرنے والے آئل ٹینکر کے درمیان ٹکر ہوئی جس کے نتیجے میں ایک گاڑی میں اچانک آگ لگ گئی۔
پشاور رنگ روڈ، گڑھی قمردین پل پر موٹر کار اور آئل ٹینکر کے ٹکرانے سے آگ لگ گئی،ریسکیو 1122 کے ایمبولینس اور فائر فائٹرز موقع پرپہنچ گئے، ریسکیو عملہ آگ بجھانے میں مصروف pic.twitter.com/Fuj9imzxVy
— Pakhtun Digital (@PakhtunDigital) May 1, 2026
حادثے کی اطلاع ملتے ہی ریسکیو 1122 کی دو فائر وہیکلز اور ایک ایمبولینس فوری طور پر موقع پر پہنچ گئیں۔
ریسکیو عملے نے پیشہ ورانہ انداز میں فوری فائر فائٹنگ کا آغاز کیا اور علاقے کو گھیرے میں لے کر حفاظتی اقدامات مکمل کیے تاکہ کسی ممکنہ بڑے حادثے سے بچا جا سکے۔
یہ بھی پڑھیں : خیبر پختونخوا میں بربریت، نہتے شہری محفوظ نہ رہے، عطا تارڑ کا سخت ردعمل
ریسکیو حکام کے مطابق فائر فائٹرز نے تقریباً 30 منٹ کی مسلسل کارروائی کے بعد آگ پر مکمل طور پر قابو پا لیا۔ خوش قسمتی سے ابتدائی اطلاعات کے مطابق بڑے جانی نقصان کی اطلاع نہیں ملی۔
ریسکیو ٹیموں نے موقع پر موجود رہ کر کولنگ کا عمل بھی مکمل کیا اور صورتحال کو مکمل طور پر کنٹرول میں لے لیا گیا۔
