امریکی صدر ڈونلڈ ٹرمپ نے آبنائے ہرمز آپریشن پروجیکٹ فریڈم کو عارضی طور پر کچھ عرصے کے لیے روکنے کا اعلان کر دیا ہے۔
یہ فوجی آپریشن امریکی بحریہ کی جانب سے اس مقصد کے لیے شروع کیا گیا تھا کہ بند آبنائے ہرمز کے ذریعے تجارتی جہازوں کی محفوظ آمد و رفت کو یقینی بنایا جا سکے۔
ٹرمپ نے اپنے سوشل میڈیا پلیٹ فارم ٹروتھ سوشل پر جاری بیان میں کہا کہ پاکستان اور دیگر ممالک کی درخواست، ایران کے خلاف مبینہ فوجی کامیابیوں اور ایران کے ساتھ ممکنہ معاہدے کی طرف پیش رفت کے پیش نظر یہ فیصلہ کیا گیا ہے۔
𝗗𝗼𝗻𝗮𝗹𝗱 𝗝. 𝗧𝗿𝘂𝗺𝗽 𝗧𝗿𝘂𝘁𝗵 𝗦𝗼𝗰𝗶𝗮𝗹 𝗣𝗼𝘀𝘁 – 𝟬𝟲:𝟱𝟮 𝗣𝗠 𝗘𝗦𝗧 𝟬𝟱.𝟬𝟱.𝟮𝟲
Based on the request of Pakistan and other Countries, the tremendous Military Success that we have had during the Campaign against the Country of Iran and, additionally, the fact…
— Commentary Donald J. Trump Posts From Truth Social (@TrumpDailyPosts) May 5, 2026
ان کے مطابق امریکا اور ایران کے درمیان ایک حتمی معاہدے کے لیے مذاکرات میں پیش رفت ہو رہی ہے۔
امریکی صدر نے کہا کہ امریکا نے فیصلہ کیا ہے کہ پروجیکٹ فریڈم کو مختصر مدت کے لیے روک دیا جائے گا تاکہ یہ دیکھا جا سکے کہ ایران کے ساتھ کوئی حتمی معاہدہ طے پاتا ہے یا نہیں اور آیا اس پر باضابطہ دستخط ہوتے ہیں یا نہیں۔
یہ بھی پڑھیں : آبنائے ہرمز میں امریکی مداخلت کو جنگ بندی کی خلاف ورزی سمجھا جائے گا، ایران
ٹرمپ کے مطابق اس دوران آبنائے ہرمز کی صورتحال پر نظر رکھی جائے گی، تاہم ناکہ بندی بدستور نافذ رہے گی۔
انہوں نے کہا کہ یہ قدم خطے میں کشیدگی کم کرنے اور سفارتی حل کی راہ ہموار کرنے کے لیے اٹھایا گیا ہے۔
