واشنگٹن: امریکی سینٹرل کمانڈ (CENTCOM) نے اعلان کیا ہے کہ کمانڈر اِن چیف کی ہدایت پر ایران کے خلاف مسلسل تیسرے روز بھی حملوں کا آغاز کر دیا گیا ہے۔
امریکی سینٹرل کمانڈ کے مطابق یہ کارروائیاں شام 4 بج کر 45 منٹ (امریکی مشرقی وقت) پر شروع کی گئیں، جن کا مقصد ایرانی فورسز کی صلاحیتوں کو کمزور کرنا اور انہیں مزید حملوں سے روکنا ہے۔
At 4:45 p.m. ET today, U.S. Central Command began launching the third consecutive night of strikes against Iran, at the Commander in Chief’s direction. These strikes will continue imposing a heavy cost on Iranian forces and degrade their ability to attack innocent civilians and…
— U.S. Central Command (@CENTCOM) July 13, 2026
بیان میں کہا گیا ہے کہ امریکی حملے ایرانی فوجی صلاحیتوں کو نقصان پہنچانے اور آبنائے ہرمز میں عام شہریوں اور تجارتی جہاز رانی کو لاحق خطرات کم کرنے کے لیے کیے جا رہے ہیں۔
یہ بھی پڑھیں : امریکا نے ایران کے خلاف مزید فضائی حملے شروع کر دیے، سینٹکام
امریکی حکام کا کہنا ہے کہ یہ کارروائیاں ایرانی فورسز پر دباؤ بڑھانے کے لیے جاری رہیں گی، جبکہ خطے کی صورتحال پر بھی مسلسل نظر رکھی جا رہی ہے۔
واضح رہے کہ آبنائے ہرمز عالمی تجارت کے لیے انتہائی اہم سمندری راستہ ہے، جہاں کسی بھی کشیدگی کے باعث عالمی سطح پر تیل کی ترسیل اور بحری نقل و حرکت متاثر ہونے کے خدشات پیدا ہوتے ہیں۔
