امریکی جریدےدی ڈپلومیٹ کی رپورٹ کے مطابق پاکستان نے بلوچستان بھر میں دہشت گردوں کے نیٹ ورکس کو ختم کرنے کے لیے آپریشن شعبان کے نام سے ایک بڑے پیمانے پر فوجی مہم شروع کی ہے۔ اس کارروائی میں پاک فوج، فرنٹئیر کور، بلوچستان پولیس اور فضائی مدد شامل ہے۔
یہ آپریشن 7 جولائی کو مانگی ڈیم پردہشت گردوں کے ایک حملے کے بعد شروع کیا گیا جس میں 27 پولیس اہلکار شہید ہو گئے تھے۔ سکیورٹی فورسز کے مطابق اس مہم کے آغاز سے اب تک قریباً 123 عسکریت پسند ہلاک کیے جا چکے ہیں۔
اس آپریشن کے تحت شمالی اضلاع میں کالعدم تحریک طالبان پاکستان (ٹی ٹی پی) کے عناصر اور جنوبی علاقوں میں کالعدم بلوچستان لبریشن آرمی (بی ایل اے) اور دیگر علیحدگی پسند گروہوں کو نشانہ بنایا جا رہا ہے۔
یہ بھی پڑھیں : آپریشن شعبان کے تحت مستونگ میں سیکیورٹی فورسز کی بڑی کارروائی، 7 دہشت گرد ہلاک، 3 جوان شہید
پاکستانی حکام کا کہنا ہے کہ اس آپریشن کا مقصد دہشت گردو ںکے ڈھانچے کو تباہ کرنا، محفوظ پناہ گاہوں کا خاتمہ اور صوبے میں ریاستی عملداری کو بحال کرنا ہے۔
