خیبر پختونخوا کے ضلع شانگلہ میں ٹاپ کے مقام پر ایک مسافر وین بے قابو ہو کر گہری کھائی میں جا گری جس کےنتیجے میں 10 افراد شدید زخمی ہو گئے ہیں۔
حادثے کا شکار ہونے والی مسافر وین بازار کوٹ سے سوات جا رہی تھی کہ ٹاپ کے مقام پر موڑ کاٹتے ہوئے یا تیز رفتاری کے باعث بے قابو ہو کر سڑک سے نیچے گر گئی۔
حادثے کی اطلاع ملتے ہی پولیس اور ریسکیو اہلکار فوری طور پر موقع پر پہنچ گئے۔ امدادی ٹیموں نے مقامی لوگوں کی مدد سے انتہائی مشکل حالات میں کھائی سے زخمیوں کو باہر نکالا۔
پولیس حکام کے مطابق تمام 10 زخمیوں کو فوری طبی امداد کے لیے ضلعی ہیڈ کوارٹر اسپتال الپوری منتقل کر دیا گیا ہے، جہاں ڈاکٹرز انہیں طبی سہولیات فراہم کر رہے ہیں۔
یہ بھی پڑھیں : سوات میں فائرنگ کے دو واقعات، 2 افراد جاں بحق، 4 زخمی، پولیس کی تحقیقات شروع
اسپتال انتظامیہ کا کہنا ہے کہ بعض زخمیوں کی حالت تشویشناک ہے۔
