سوشل میڈیا پر میجر جنرل عاطف بن اکرم کی بطور ڈائریکٹر جنرل کاؤنٹر انٹیلی جنس (ڈی جی سی آئی ایس آئی) تعیناتی کے حوالے سے گردش کرنے والی خبر مکمل طور پر من گھڑت اور حقیقت کے منافی ثابت ہوئی ہے۔
ایکس (سابق ٹوئٹر) پرسینئرصحافی محسن رضا خان سمیت اکاؤنٹ سے ایک پوسٹ شیئر کی گئی جس میں دعویٰ کیا گیا تھا کہ میجر جنرل عاطف بن اکرم کو ڈی جی سی آئی ایس آئی مقرر کر دیا گیا ہے۔
تاہم عسکری و سرکاری ذرائع نے اس خبر کی تمام تفاصیل کو لغو قرار دیتے ہوئے واضح کیا ہے کہ اس قسم کا کوئی بھی تقرر عمل میں نہیں آیا ہے۔
یہ بھی پڑھیں : میجر جنرل فیصل نصیر نیکٹا کے نئے نیشنل کوآرڈینیٹر مقرر
یاد رہے کہ ڈی جی آئی ایس آئی پورے ادارے کے سربراہ ہوتے ہیں جبکہ ڈی جی کاؤنٹر انٹیلی جنس (ڈی جی سی آئی) آئی ایس آئی کے اندر کاؤنٹر انٹیلی جنس شعبے کے سربراہ ہوتے ہیں جو ڈی جی آئی ایس آئی کے ماتحت کام کرتے ہیں۔
