اسلام آباد: کیپٹن محمد سہیل چوہدری نے بطور انسپکٹر جنرل (آئی جی) اسلام آباد پولیس اپنے عہدے کا باقاعدہ چارج سنبھال لیا ہے۔
کیپٹن محمد سہیل چوہدری کی سینٹرل پولیس آفس آمد پر پولیس افسران اور جوانوں نے ان کا پرتپاک استقبال کیا، جبکہ پولیس کے چاق و چوبند دستے نے انہیں سلامی پیش کی۔
سینٹرل پولیس آفس میں کمان کی تبدیلی کے حوالے سے پروقار تقریب منعقد ہوئی، جس کے بعد کیپٹن محمد سہیل چوہدری نے باضابطہ طور پر آئی جی اسلام آباد کی ذمہ داریاں سنبھال لیں۔
ترجمان اسلام آباد
کیپٹن محمد سہیل چوہدری نے بطور آئی جی اسلام آباد اپنے عہدے کا چارج سنبھال لیا
نئے آئی جی اسلام آباد کی سنٹرل پولیس آفس آمد، افسران و جوانوں کی جانب سے پرتپاک استقبال
سنٹرل پولیس آفس میں کمان تبدیلی کی پروقار تقریب منعقد ہوئی
کیپٹن محمد سہیل چوہدری نے باقاعدہ… pic.twitter.com/Xng1Fv8Mze
— Ali Imran Abbasi (@aliimranabbasi) September 15, 2026
عہدہ سنبھالنے کے بعد آئی جی اسلام آباد نے پولیس افسران سے تعارفی ملاقاتیں کیں اور پیشہ ورانہ امور سے متعلق تفصیلی بریفنگ لی۔
بعد ازاں کیپٹن محمد سہیل چوہدری نے یادگارِ شہداء پر حاضری دی، پھولوں کی چادر چڑھائی اور اسلام آباد پولیس کے شہداء کو خراج عقیدت پیش کیا۔ اس موقع پر انہوں نے شہداء کے درجات کی بلندی کے لیے دعا بھی کی۔
اس موقع پر آئی جی اسلام آباد کیپٹن محمد سہیل چوہدری نے اپنی ترجیحات کا اظہار کرتے ہوئے کہا کہ اسلام آباد میں امن و امان کا قیام اور شہریوں کا تحفظ ان کی اولین ترجیح ہے۔
کیپٹن محمد سہیل چوہدری نے بطور آئی جی اسلام آباد اپنے عہدے کا چارج سنبھال لیا۔
نئے آئی جی اسلام آباد کی سنٹرل پولیس آفس آمد، افسران و جوانوں کی جانب سے پرتپاک استقبال۔
سنٹرل پولیس آفس میں کمان تبدیلی کی پروقار تقریب منعقد ہوئی۔
کیپٹن محمد سہیل چوہدری نے باقاعدہ طور پر آئی جی… pic.twitter.com/4APA66a0C8
— Islamabad Police (@ICT_Police) September 15, 2026
انہوں نے کہا کہ شہریوں کو بروقت اور مؤثر پولیس سروسز کی فراہمی یقینی بنائی جائے گی، جبکہ جرائم کی روک تھام اور شہریوں کے جان و مال کے تحفظ کے لیے مؤثر اقدامات کیے جائیں گے۔
یہ بھی پڑھیں : گریڈ20کےپولیس افسرکیپٹن(ر)سہیل چودھری نئےآئی جی اسلام آبادتعینات
کیپٹن محمد سہیل چوہدری کا کہنا تھا کہ میرٹ، شفافیت اور قانون کی بالادستی پر کوئی سمجھوتہ نہیں ہوگا۔ پولیس کی پیشہ ورانہ صلاحیتوں کو مزید بہتر بنانے کے ساتھ ساتھ فورس کے پیشہ ورانہ معیار کو بھی بلند کیا جائے گا۔
آئی جی اسلام آباد نے افسران اور جوانوں کو ہدایت کی کہ وہ شہریوں کے ساتھ خوش اخلاقی، ذمہ داری اور پیشہ ورانہ رویے کا مظاہرہ کریں۔
انہوں نے کہا کہ عوام اور پولیس کے درمیان اعتماد کو مزید مضبوط کیا جائے گا، جبکہ جدید ٹیکنالوجی کے مؤثر استعمال کے ذریعے پولیسنگ کے نظام کو مزید بہتر بنایا جائے گا۔
کیپٹن محمد سہیل چوہدری نے مزید کہا کہ اسلام آباد میں ٹریفک مینجمنٹ اور عوامی سہولیات میں مزید بہتری لائی جائے گی، جبکہ پولیس میں احتساب اور نظم و ضبط کے نظام کو بھی مزید مؤثر بنایا جائے گا۔
