اسلام آباد :پاکستان میں بغیر کسی حکومتی چیک اینڈ بیلنس کے چلنے والے ہزاروں غیر رجسٹرڈ مدارس، اربوں روپے کے پراسرار مالیاتی بہاؤ، اور ان کے ذریعے ہونے والی مبینہ سیاسی و نظریاتی ذہن سازی ملکی معیشت اور قومی سلامتی کے لیے ایک سنگین سوالیہ نشان بن چکی ہے۔
سیکیورٹی و معاشی ماہرین نے فتنہ الخوارج کی سہولت کاری میں ملوث عناصر کے انکشافات کے بعد تمام غیر رجسٹرڈ مدارس کو نیشنل ایکشن پلان کے تحت فوری طور پر حکومتی دائرہ کار میں لانے اور ان کے فنڈز کا باقاعدہ آڈٹ کروانے کی ضرورت پر زور دیا ہے۔
ملک میں 40 ہزار مدارس ہیں جن میں 25 سے 30 ہزار مدارس مولانا فضل الرحمٰن اور جمعیت علمائے اسلام (جے یو آئی) کے براہِ راست سیاسی یا نظریاتی کنٹرول میں آتے ہیں
مولانا فضل الرحمٰن کے اپنے خاندان، ان کے قریبی علمائے کرام اور جے یو آئی کے ضلعی و صوبائی عہدیداران کے زیرِ انتظام براہِ راست چلنے والے مدارس کی تعداد بھی ہزاروں میں ہے۔ جن کو رجسٹرڈ نہیں کروایا گیا
انٹرنیشنل کرائسز گروپ’ کی رپورٹ کے مطابق، ان مدارس کو ملنے والے سالانہ عطیات، زکوٰۃ اور چمڑے کی کھالوں کا تخمینہ 70 ارب روپے سے زائد ہے۔
مگر چونکہ 50 فیصد مدارس رجسٹرڈ نہیں اس لیے ان مدارس کے مالی معاملات، عطیات کے ذرائع پر حکومتی چیک اینڈ بیلنس نہیں آڈٹ نہیں، اس لیے کون مدارس کو کس پرپز کے لیے رقم دے رہا ہے
یہ بھی اندھیرے میں ہے
مدارس کے بچوں کی زہن سازی اور مختلف احتجاجوں کے لیے ان کو افرادی قوت کے طور پر استعمال کرنا لمحہ فکریہ ہے
اتنی بڑی رقم کا ملکی معیشت اور بینکنگ نظام سے باہر ہونا ایک بڑا سوالیہ نشان ہےفتنہ الخوارج کی سہولت کاری میں ملوث خود ساختہ مولوی ظفر یاب نے بھی جے یو آئی (ف) سے منسلک مدرسے سے تعلیم لینے کا انکشاف کیا تھا ان انکشافات کے بعد نیشنل ایکشن پلان کے تحت غیر رجسٹرڈ مدارس کو رجسٹر کر کے حکومتی دائرہ کار میں لانا ناگزیر ہو چکا ہے
#طالبان_کا_غلام_فضلو
#کشمیری_راجہ_گدھ
#FieldMarshalRocks— حِجاب رندھاوا H.R (@Hijab29392) October 27, 2026
غیر رجسٹرڈ مدارس اور فضل الرحمان کا نیٹ ورک
موصولہ تفصیلات کے مطابق ملک بھر میں قائم تقریباً 40 ہزار مدارس میں سے 25 سے 30 ہزار مدارس بلاواسطہ یا بالواسطہ فضل الرحمان اور ان کی جماعت جمعیت علمائے اسلام کے سیاسی یا نظریاتی کنٹرول میں آتے ہیں۔
ان میں سے ہزاروں کی تعداد میں ایسے مدارس بھی شامل ہیں جو فضل الرحمان کے اپنے خاندان، قریبی علمائے کرام، اور ضلعی و صوبائی عہدیداران کے زیرِ انتظام براہِ راست چل رہے ہیں، مگر تاحال انہیں کسی سرکاری ادارے کے ساتھ رجسٹرڈ نہیں کروایا گیا۔
ایک اندازے کے مطابق ملک بھر کے کل مدارس میں سے 50 فیصد سے زائد مدارس کا کوئی باضابطہ اندراج یا سرکاری لائسنس موجود نہیں، جس کے باعث ان کے تدریسی نظام اور نظریاتی تحرک پر ریاست کا کوئی کنٹرول نہیں رہا۔
یہ بھی پڑھیں : رات کے اندھیرے میں بزدلانہ وار کرنے والے کبھی اپنے ناپاک عزائم میں کامیاب نہیں ہوں گے، ثمرہارون بلور
70 ارب روپے سے زائد کی متوازی معیشت اور شفافیت کا فقدان
بین الاقوامی تحقیقی ادارے انٹرنیشنل کرائسز گروپ کی رپورٹ کے مطابق ان غیر رجسٹرڈ اور سیاسی اثر و رسوخ رکھنے والے مدارس کو ملنے والے سالانہ عطیات، زکوٰۃ، فطرانے اور عیدالاضحیٰ کے موقع پر جمع کی جانے والی قربانی کی کھالوں سے حاصل ہونے والی رقم کا تخمینہ 70 ارب روپے سے زائد ہے۔
چونکہ ان مدارس کے مالی معاملات اور اکاؤنٹس کا کسی سطح پر سرکاری آڈٹ یا بینکنگ کنٹرول نہیں ہوتا، اس لیے یہ بات تاحال پردۂ خفا میں ہے کہ ان مدارس کو اتنی بڑی رقم کس مقصد کے لیے اور کن ذرائع سے فراہم کی جا رہی ہے؟ ملکی بینکنگ چینل سے باہر اتنی بڑی کیش کا بہاؤ کس حد تک غیر قانونی سرگرمیوں یا بلیک منی کا ذریعہ بن رہا ہے؟
معاشی ماہرین کے مطابق 70 ارب روپے سے زائد کی یہ بھاری رقم رسمی معیشت سے باہر رہ کر ملک کے مالیاتی نظام اور بینکنگ سیکٹر پر ایک بڑا سوالیہ نشان کھڑا کر رہی ہے۔
معصوم بچوں کی ذہن سازی اور سیاسی استعمال
ذرائع کا کہنا ہے کہ ان مدارس میں زیرِ تعلیم لاکھوں معصوم بچوں کو جدید سائنسی و تعلیمی علوم سے دور رکھ کر ان کی مخصوص سیاسی مقاصد کے لیے ذہن سازی کی جاتی ہے۔
یہ بھی پڑھیں : انگور اڈہ واقعہ، افغان طالبان کسی غلط فہمی میں نہ رہیں، ہر اینٹ کا جواب پتھر سے دیں گے، گورنر فیصل کریم کنڈی
مختلف سیاسی ریلیوں، دھرنوں اور احتجاجی مظاہروں کے دوران ان طلبا کو نجی فورس یا افرادی قوت (Street Power) کے طور پر سڑکوں پر لایا جاتا ہے، جو نہ صرف ان بچوں کے مستقبل کے ساتھ کھلواڑ ہے بلکہ ایک لمحہ فکریہ بھی ہے۔
فتنہ الخوارج کی سہولت کاری کے انکشافات اور سیکیورٹی خدشات
قومی سلامتی کے اداروں کی جانب سے فتنہ الخوارج کے خلاف جاری آپریشنز کے دوران حال ہی میں گرفتاریوں اور اعترافی بیانات نے ان تشویشناک حقائق کی مزید تصدیق کی ہے۔
فتنہ الخوارج کی سہولت کاری میں ملوث خود ساختہ مولوی ظفر یاب نے دورانِ تفتیش انکشاف کیا تھا کہ اس نے بھی فضل الرحمان سے منسلک مدرسے سے ہی تعلیم حاصل کی تھی۔
اس قسم کے خطرناک انکشافات کے بعد سیکیورٹی ماہرین کا کہنا ہے کہ غیر رجسٹرڈ مدارس کا یہ بلا کنٹرول نظام اندرونی سلامتی اور امن و امان کے لیے انتہائی حساس ہو چکا ہے۔
