دین کے نام پر قومی اثاثوں کا سودا، آڈٹ فائلوں نے کٹھ پتلی وزیر عطا الرحمٰن اور ماسٹر مائنڈ فضل الرحمان کا بھیانک سچ بے نقاب کر دیا

اسلام آباد: دین اور اخلاقیات کا ڈھونگ رچا کر اقتدار کے ایوانوں سے مفادات سمیٹنے والے جمعیت علمائے اسلام (جے یو آئی۔ف) کے سربراہ فضل الرحمٰن اور ان کے خاندانی کرپشن نیٹ ورک کا ایک اور ہولناک روپ سامنے آ گیا ہے۔

سابق وفاقی وزیرِ سیاحت مولانا عطا الرحمٰن کے دورِ وزارت میں خیبر پختونخوا کے پرکشش سیاحتی مقامات کی سرکاری اراضی کی مبینہ بندر بانٹ اور ترقیاتی فنڈز کی غیر منصفانہ تقسیم کی ایسی شرمناک تفصیلات سامنے آئی ہیں جنہوں نے جے یو آئی (ف) کی نام نہاد امانت داری کے تمام دعوؤں کو خاک میں ملا دیا ہے۔

سرکاری اراضی اور ریسٹ ہاؤسز پر خاندانی شب خون

ذرائع اور آڈٹ اعتراضات کے مطابق، مولانا عطا الرحمٰن نے اپنے دورِ وزارت میں خیبر پختونخوا کے اہم ترین سیاحتی زونز، گلیات اور دیگر پرکشش مقامات پر واقع قیمتی سرکاری اراضی اور سرکاری ریسٹ ہاؤسز کو قانون کی دھجیاں اڑاتے ہوئے من پسند کمرشل گروپس اور قریبی سیاسی اتحادیوں کو کوڑیوں کے داموں لیز اور الاٹ کیا۔

یہ بھی پڑھیں : وزارتِ سیاحت میں کروڑوں کا غبن، مولانا عطا الرحمٰن نے پیپرا قوانین پامال کر کے اپنے چہیتوں کو کروڑوں کے ٹھیکے بانٹ دیے

یہ فیصلے ملک میں سیاحت کے فروغ کے لیے نہیں بلکہ صرف اور صرف جے یو آئی (ف) کے مخصوص دھڑے اور خاندانی حلقوں کو اربوں روپے کے مالیاتی فوائد پہنچانے کے لیے کیے گئے۔

ترقیاتی فنڈز کا رخ جے یو آئی کے سیاسی نیٹ ورک کی طرف

وزارتِ سیاحت کے پاس موجود عوام کے ٹیکسوں کے اربوں روپے کے ترقیاتی فنڈز کا ایک بڑا حصہ قومی ضرورتوں کو پسِ پشت ڈال کر صرف انہی مخصوص علاقوں میں بہا دیا گیا جہاں جے یو آئی (ف) کا سیاسی اثر و رسوخ تھا۔

دیگر حقدار اور پسماندہ سیاحتی مقامات کو یکسر نظر انداز کرتے ہوئے قومی خزانے کا پیسہ مولانا فضل الرحمٰن کے سیاسی اور خاندانی نیٹ ورک کو سرکاری وسائل کے ذریعے مضبوط کرنے کے لیے بے دریغ استعمال کیا گیا۔

اصل سرغنہ مولانا فضل الرحمٰن: اپوزیشن کا سنگین الزام

تحقیقاتی حلقوں نے آڈٹ اور پبلک اکاؤنٹس کمیٹی (PAC) کے ریکارڈز کی روشنی میں سب سے بھیانک حقیقت سے پردہ اٹھایا ہے کہ مولانا عطا الرحمٰن تو محض ایک کٹھ پتلی کے طور پر وزارتی کرسی پر براجمان تھے، جبکہ وزارت کے تمام سٹرٹیجک فیصلے، فنڈز کی منظوری، اوپن ٹینڈرز کی پامالی اور قیمتی اراضی کی پسِ پردہ نگران خود مولانا فضل الرحمٰن کر رہے تھے۔

یہ بھی پڑھیں : افغان تابعیت سے پاکستانی شناخت کا جعلی سفر، عبدالمناف کے خاندان کو خلافِ ضابطہ شہریت، نادرا پر ننگا دباؤ اور فضل الرحمٰن پر غداری کی تحقیقات کا شدید مطالبہ

جے یو آئی (ف) کے سربراہ نے اپنے سگے بھائی کی وزارت کو سیاسی سودے بازی، کک بیکس کی وصولی اور اپنے نیٹ ورک کو نوازنے کے لیے بطور آلہ کار استعمال کیا، جس کے نتیجے میں قومی محکمے کو اربوں روپے کا ناقابلِ تلافی نقصان پہنچا۔

آڈٹ ریکارڈز نے تردیدوں کا جھوٹ بے نقاب کر دیا

اگرچہ جے یو آئی (ف) کی قیادت ان الزامات کو سیاسی انتقام قرار دے کر چھپنے کی کوشش کرتی رہی ہے، لیکن آڈٹ اور پی اے سی کی سرکاری دستاویزات نے ثابت کر دیا ہے کہ یہ کوئی سیاسی الزامات نہیں بلکہ سرکاری ریکارڈ پر موجود وہ ننگا سچ ہے جو ثابت کرتا ہے کہ فضل الرحمٰن اور ان کا ٹولہ مذہب کی آڑ میں ریاستِ پاکستان اور اس کے اثاثوں کو لوٹنے والا سب سے بڑا مافیا ہے۔

Scroll to Top