سید فخر کاکاخیل
ضلع ہنگو کی تھانہ دوآبہ کے علاقے درسمند میں ایک افسوسناک واقعہ پیش آیا ہے جہاں مبینہ طور پر زہریلی چاکلیٹ کھانے سے ماں اور بیٹی جاں بحق ہو گئیں۔
ایس ایچ او نیاز کے مطابق واقع محلہ ریگی میں پیش آیا جہاں گھر والوں کا موقف ہے کہ کسی نامعلوم شخص نے گھر کے صحن میں زہریلی چاکلیٹ پھینکی تھی جسے کھانے کے بعد دونوں کی حالت بگڑ گئی اور وہ جانبر نہ ہو سکیں۔
پولیس حکام کا کہنا ہے کہ جاں بحق ہونے والی بچی کی عمر 11 سال جبکہ اس کی ماں کی عمر تقریباً 43 سال تھی۔
پولیس نے واقعے کی حساسیت کو مدنظر رکھتے ہوئے ہر زاویے سے تحقیقات کا آغاز کر دیا ہے تاکہ اصل حقائق سامنے لائے جا سکیں۔
