بشکیک: وزیراعظم محمد شہباز شریف کے اعزاز میں کرغزستان کے دارالحکومت بشکیک میں واقع صدارتی محل میں باضابطہ اور پروقار استقبالیہ تقریب کا انعقاد کیا گیا۔
صدارتی محل پہنچنے پر وزیراعظم شہباز شریف کا ریڈ کارپٹ پر پرتپاک استقبال کیا گیا، جہاں کرغزستان کے صدر صادر نور ژاپاروف نے خود وزیراعظم کا خیرمقدم کیا۔
🚨🚨وزیراعظم محمد شہباز شریف کے اعزاز میں کرغستان کے صدارتی محل میں استقبالیہ تقریب ،کرغستان کے صدر صادر ژاپاروف نے وزیر اعظم محمد شہباز شریف کا استقبال کیا@CMShehbaz pic.twitter.com/IcstytwD2l
— Pakhtun Digital (@PakhtunDigital) September 2, 2026
استقبالیہ تقریب کے آغاز پر پاکستان اور کرغزستان کے قومی ترانے بجائے گئے، جس کے بعد وزیراعظم محمد شہباز شریف کو صدارتی محل آمد پر گارڈ آف آنر پیش کیا گیا۔
وزیراعظم شہباز شریف اور کرغزستان کے صدر صادر نور ژاپاروف نے گارڈ آف آنر کا مشترکہ طور پر معائنہ کیا، جبکہ اس موقع پر کرغزستان کی مسلح افواج کے چاق و چوبند دستے نے وزیراعظم کو سلامی بھی پیش کی۔
یہ بھی پڑھیں : پاکستان کی امن کوششوں کی گونج بشکیک تک پہنچ گئی، ایرانی صدر کا اعتراف
تقریب کے دوران کرغز صدر صادر نور ژاپاروف نے وزیراعظم شہباز شریف کا اپنے سرکاری وفد کے ارکان سے تعارف کرایا۔
بعد ازاں وزیراعظم شہباز شریف نے بھی کرغز صدر سے اپنے ہمراہ آنے والے پاکستانی وفد کے ارکان کا باضابطہ تعارف کرایا۔
وزیراعظم کا یہ دورہ پاکستان اور کرغزستان کے درمیان دوطرفہ تعلقات کو مزید مضبوط بنانے اور مختلف شعبوں میں باہمی تعاون کے فروغ کے حوالے سے اہم قرار دیا جارہا ہے۔
