بشکیک: وزیراعظم محمد شہباز شریف نے کرغزستان کے دارالحکومت بشکیک میں واقع آتا بیئت میموریل کمپلیکس کا دورہ کیا، جہاں انہوں نے معروف کرغز اور سوویت ادیب چنگیز ایتماتوف کی قبر پر پھولوں کی چادر چڑھائی اور فاتحہ خوانی کی۔
آتا بیئت میموریل کمپلیکس آمد پر وزیراعظم کا استقبال کرغزستان کے فرسٹ نائب وزیراعظم دانیار امان گیلدیئیئف اور وزیر ثقافت، اطلاعات و نوجوانوں میر بیک مامبیتالیئیف نے کیا۔
وزیراعظم محمد شہباز شریف نے کرغستان کے دارالحکومت بشکیک میں آتا بیئت (Ata Beyit Memorial Complex) میموریل کمپلیکس کا دورہ کیا. آتا بیئت آمد پر وزیر اعظم کا استقبال کرغزستان کے فرسٹ نائب وزیراعظم دانیار امان گیلدیئیئف (Mr. Daniar Amangeldiev) اور وزیر ثقافت، اطلاعات و نوجوانوں میر… pic.twitter.com/NmtABB3jtc
— Prime Minister’s Office (@PakPMO) September 2, 2026
وزیراعظم شہباز شریف نے معروف ادیب چنگیز ایتماتوف کی قبر پر پھولوں کی چادر چڑھائی اور فاتحہ پڑھی۔ چنگیز ایتماتوف کرغزستان اور سوویت دور کے معروف ادیبوں میں شمار ہوتے ہیں۔
وزیراعظم نے آتا بیئت میموریل کمپلیکس میں قائم یادگار پر بھی پھولوں کی چادر چڑھائی اور وہاں مدفون افراد کو خراجِ عقیدت پیش کیا۔
Prime Minister Muhammad Shehbaz Sharif lays down a floral wreath at the Ata Beyit Memorial in Bishkek, Kyrgyzstan on 2 September 2026. pic.twitter.com/GaMk0Ml8DI
— Prime Minister’s Office (@PakPMO) September 2, 2026
آتا بیئت میموریل کمپلیکس کرغزستان کا ایک اہم قومی اور تاریخی یادگاری مقام اور قبرستان ہے۔ آتا بیئت کے معنی ’’ہمارے آباؤ اجداد کی قبر‘‘ ہیں۔
اس تاریخی مقام پر کرغزستان کی متعدد معروف شخصیات کی قبریں موجود ہیں اور اسے ملک کی تاریخ و ثقافت میں نمایاں مقام حاصل ہے۔
