ڈھاکہ: بنگلہ دیش کی انڈر 18 کرکٹ ٹیم کے نوجوان فاسٹ بولر مہدی حسن ہردوئے خون کے کینسر کے باعث انتقال کر گئے۔ انہیں بہتر علاج کے لیے ڈھاکا منتقل کیا جا رہا تھا، تاہم وہ ہسپتال پہنچنے سے قبل ہی ایمبولینس میں زندگی کی بازی ہار گئے۔
بنگلہ دیشی میڈیا ’بنگلہ نیوز 24‘ کے مطابق مہدی حسن ہردوئے چٹاگانگ ڈویژن کی انڈر 18 ٹیم کا حصہ تھے اور خون کے کینسر کی ایک سنگین قسم ’ایکیوٹ مائیلوئیڈ لیوکیمیا‘ میں مبتلا تھے۔ طبی سہولیات کی غرض سے انہیں ڈھاکا لے جایا جا رہا تھا، لیکن دورانِ سفر ان کی حالت جانبر نہ ہوسکی۔
The Bangladesh Cricket Board (BCB) expresses profound sadness at the passing of young cricketer Mehedi Hasan Hridoy, who passed away in Dhaka today after battling leukaemia.
Hridoy represented the Chattogram Division Under-18 team and was regarded as a promising left-arm pace bowler with a bright future ahead of him.
The BCB extends its heartfelt condolences to Hridoy’s family and loved ones during this difficult time. May his soul rest in peace, and may his family find strength and comfort in this time of grief.
— Bangladesh Cricket (@BCBtigers) October 24, 2026
بائیں ہاتھ سے فاسٹ بولنگ کرنے والے مہدی حسن ہردوئے کو چٹاگانگ کی جونیئر کرکٹ میں ایک باصلاحیت اور ابھرتے ہوئے کھلاڑی کے طور پر پہچانا جاتا تھا۔ ان کے انتقال کی خبر نے کرکٹ حلقوں اور ان کے چاہنے والوں کو سوگوار کردیا ہے۔
یہ بھی پڑھیں : خیبر پختونخوا کے لیے 160 ارب روپے کا بڑا ترقیاتی پیکج، فنڈز کن علاقوں میں خرچ ہوں گے؟ جانیے
رپورٹس کے مطابق رواں سال جولائی میں بنگلہ دیش کرکٹ بورڈ (بی سی بی) اور وزارتِ امورِ نوجوانان و کھیل نے نوجوان کرکٹر کے علاج کے لیے پانچ، پانچ لاکھ ٹکا کی مالی امداد فراہم کی تھی۔ تاہم علاج کی کوششوں کے باوجود ان کی جان نہیں بچائی جاسکی۔
بنگلہ دیش کرکٹ بورڈ نے مہدی حسن ہردوئے کے انتقال پر افسوس کا اظہار کرتے ہوئے ان کے اہل خانہ سے تعزیت کی ہے۔ نوجوان کھلاڑی کی وفات پر ان کے اہل خانہ، عزیز و اقارب اور بنگلہ دیش کی کرکٹ برادری غمزدہ ہے۔
واضح رہے کہ رواں سال 7 جولائی کو افغانستان کے سابق فاسٹ بولر شاپور زدران بھی 38 برس کی عمر میں انتقال کر گئے تھے۔ وہ کینسر کے مرض میں مبتلا تھے اور بھارت کے ایک اسپتال میں زیرِ علاج رہنے کے دوران دم توڑ گئے تھے۔
